ਗਊਸ਼ਾਲਾ ਕਮੇਟੀ ਧਨੌਲਾ ਵੱਲੋਂ ਧੂਮ-ਧਾਮ ਨਾਲ਼ ਮਨਾਈ ਜਾ ਰਹੀ ਹੈ ਗਊ ਅਸ਼ਟਮੀ ,

ਸ਼੍ਰੀ ਰਮਾਇਣ ਜੀ ਦੇ ਪਾਠ ਦਾ ਭੋਗ ਅੱਜ, ਕਰੁਣੇਸ਼ ਗਰਗ ਅਤੇ ਡਾਕਟਰ ਬਾਂਸਲ ਹੋਣਗੇ ਮੁੱਖ ਮਹਿਮਨ: ਜੀਵਨ ਬਾਂਸਲ, ਵਿਜੈ ਬਿੱਟੂ

 ਬਰਨਾਲਾ, 19 ਨਵੰਬਰ, 2023(ਹਿਮਾਂਸ਼ੂ ਗੋਇਲ) 

ਗਊਸ਼ਾਲਾ ਕਮੇਟੀ ਵੱਲੋਂ ਸਥਾਨਕ ਗਊਸ਼ਾਲਾ ਧਨੌਲਾ ਵਿੱਖੇ ਗਊ ਅਸ਼ਟਮੀ ਸਮੂਹ ਨਗਰ ਦੇ ਸਹਿਯੋਗ ਨਾਲ਼ ਧੂਮ-ਧਾਮ ਨਾਲ ਮਨਾਈ ਜਾ ਰਹੀ ਹੈ ਅਤੇ ਇਸ ਨੂੰ ਮੁੱਖ ਰੱਖਦਿਆਂ ਸ਼੍ਰੀ ਰਾਮਾਇਣ ਜੀ ਦੇ ਪਾਠ ਦਾ ਅੱਜ ਮਿੱਤੀ 19 ਨਵੰਬਰ ਨੂੰ ਅਰੰਭ ਕੀਤਾ ਗਿਆ ਅਤੇ ਇਸ ਦੇ ਪਾਠ ਦਾ ਭੋਗ ਸੋਮਵਾਰ ਨੂੰ ਪਾਇਆ ਜਾਵੇਗਾ ਅਤੇ ਗਊ ਅਸ਼ਟਮੀ ਧੂਮ ਧਾਮ ਨਾਲ ਮਨਾਈ ਜਾਵੇਗੀ। ਗਊਸ਼ਾਲਾ ਚੈਰੀਟੇਬਲ ਸੋਸਾਇਟੀ ਧਨੌਲਾ ਦੇ ਪ੍ਰਬੰਧਕਾਂ ਵੱਲੋਂ ਜਾਣਕਾਰੀ ਦਿੰਦੇ ਦੱਸਿਆ ਗਿਆ ਕਿ ਇਸ ਪ੍ਰੋਗਰਾਮ ਵਿੱਚ ਵਿਸ਼ੇਸ਼ ਤੌਰ ਤੇ ਇੰਜੀਨੀਅਰ ਕਰੁਨੇਸ਼ ਗਰਗ, ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ, ਚੰਡੀਗੜ੍ਹ ਅਤੇ ਡਾਕਟਰ ਰੂਪ ਚੰਦ ਬਾਂਸਲ, ਬਾਂਸਲ ਹਸਪਤਾਲ ਧਨੌਲਾ ਮੁੱਖ ਮਹਿਮਾਨ ਵਜੋਂ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰਨਗੇ। ਇਸ ਮੌਕੇ ਗੱਲਬਾਤ ਕਰਦਿਆਂ ਕਮੇਟੀ ਦੇ ਚੇਅਰਮੈਨ ਜੀਵਨ ਕੁਮਾਰ ਬਾਂਸਲ, ਖਜਾਨਚੀ ਵਿਜੈ ਕੁਮਾਰ ਬੱਬੂ ਨੇ ਕਿਹਾ ਕਿ ਜਿਵੇਂ ਗਊ ਨੂੰ ਮਾਤਾ ਦਾ ਦਰਜਾ ਦਿੱਤਾ ਗਿਆ ਹੈ ਅਤੇ ਉਸ ਦੀ ਪੂਜਾ ਕੀਤੀ ਜਾਂਦੀ ਹੈ ਇਸ ਲਈ ਗਊ ਅਸ਼ਟਮੀ ਦਾ ਆਪਣਾ ਹੀ ਮਹੱਤਵ ਹੈ ਅਤੇ ਇਸ ਨੂੰ ਹਰ ਇਕ ਨੂੰ ਰਲ਼ ਮਿਲ਼ ਕੇ ਮਨਾਉਣਾ ਚਾਹੀਦਾ ਹੈ। ਅੱਗਰਵਾਲ ਸਭਾ ਧਨੌਲਾ ਦੇ ਪ੍ਰਧਾਨ ਅਰੁਣ ਕੁਮਾਰ ਬਾਂਸਲ, ਵਾਈਸ ਪ੍ਰਧਾਨ ਰਕੇਸ਼ ਕੁਮਾਰ ਮਿੱਤਲ, , ਵਪਾਰ ਮੰਡਲ ਦੇ ਪ੍ਰਧਾਨ ਰਮਨ ਵਰਮਾ, ਨਗਰ ਕੌਂਸਲ ਦੇ ਪ੍ਰਧਾਨ ਰਜਨੀਸ਼ ਆਲੂ, ਧਰਮਿੰਦਰ ਕੁਮਾਰ ਨੀਟੂ ਨੇ ਜਿੱਥੇ ਇਸ ਨੂੰ ਸ਼ਲਾਘਾਯੋਗ ਦੱਸਿਆ ਓਥੇ ਹੀ ਕਿਹਾ ਕਿ ਗਊ ਮਾਤਾ ਜਿੱਥੇ ਸਾਨੂੰ ਦੁੱਧ ਦਿੰਦੀ ਹੈ ਓਥੇ ਹੀ ਇਸ ਦਾ ਗੋਬਰ ਕਈ ਕੰਮ ਆਉਂਦਾ ਹੈ ਜਿਸ ਨੂੰ ਬਾਲਣ ਦੇ ਤੌਰ ਅਤੇ ਹੋਰ ਵਧੀਆ ਖਾਦ ਦੇ ਤੌਰ ਤੇ ਵੀ ਵਰਤਿਆ ਜਾ ਸਕਦਾ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ  ਟੋਨੀ ਬਾਂਸਲ ਕਾਲੇਕੇ, ਵਿਕੀ ਚੌਧਰੀ, ਜੈਪਾਲ ਕਾਲੇਕੇ, ਦੀਪਕ ਬਾਂਸਲ, ਮੰਗਲ ਦੇਵ ਸ਼ਰਮਾ ਆਦਿ ਹਾਜ਼ਰ ਸਨ ਅਤੇ ਓਹਨਾ ਨੇ ਸਮੇਂ ਸਿਰ ਪੁੱਜ ਕੇ ਗਊ ਧੰਨ ਦੀ ਪੂਜਾ ਕਰ ਜੀਵਨ ਸਫਲ ਬਣਾਉਣ ਦੀ ਬੇਨਤੀ ਕੀਤੀ।